Një grup studentësh të ciklit master dhe pedagogë të Lucerne University of Applied Sciences and Arts, Zvicër, po zhvillojnë një vizitë tematike një javore në Shqipëri në datat 10-16 Shtator 2018. Në dy ditët e para studentët zvicerancë u mikpritën në Tirana Business University College (TBU) dhe patën mundësinë të bashkëbisedojnë mbi çështje politike, shoqërore, ekonomike, institucionale, mbi sfidat dhe mundësitë e zhvillimit të Shqipërisë.

Në ditën e parë Prof. Dr. Genc Ruli dhe z. Remzi Lami zhvilluan me studentët zviceranë bashkëbisedimin mbi sfidat e demokracisë në Shqipëri. Më pas studentët zviceranë patën një bisedë mbi shoqërinë shqiptare e në veçanti lidhur me harmoninë fetare me Don. Jetmir Nikolli dhe z. Fatbardh Kadilli.

Në ditën e dytë studentët zviceranë bashkëbiseduan mbi temën e ekonomisë, mundësive dhe sfidave të biznesit në Shqipëri me Znj. Stephanie Sieg (Presidente e DIHA), Z. Bledar Mankollari (Drejtor Ekzekutiv i DIHA), si dhe me z. Besnik Leskaj (Drejtor Ekzekutiv i Abkons). Më pas me z. Blendi Salaj u vijua zhvillimi i temës mbi mentalitetin dhe gjuhën shqiptare, si dhe me PhD. Odeta Barbullushi u diskutua mbi temën e projektimit të ardhmes së Shqipërisë.